يااه أيه ده خلص موديول البايو ده كان ابن تيت يلا اهو
اللى جاى احسن ان شاء الله
ايه انتو هتضربو والا ايه ده موديول رقم 3 يعنى الهستو
الهستو ياجماعه هو فى حد مش بيحب الهستو
احم بصراحه انا
الموديول ده كان كبيييييييير ومجعلص كده
والفجأه بقا اننا داخلنا المشرحه تخيلو!!!!
ياحلولى بس ما كناش بنشوف جثث
زى ماتقول كده كانو بيصبرونا كنا بناخد امبريولوجى
اى باللغه الانجليزيه علم الاجنه ...
كانت حاجه زى الفل ده غير الجينتكس دى تعتبر الحاجه الوحيده اللى كنت تحس انها ممكن تتفهم واليعوذ بالله
واخدنا اناتومى حاجات كده تصبيره على الماشى بر ضو
والفجأه التانيه بقا هى البريزنتيشن او السيمنار ده بقا حاجه كده ممتعه نوعا ما
انك تحضر موضوع
وعلى اخر الزمن تشرحه للدكتوووور
بس ياسلام بقا وانت واقف اول مره قدام الدكتور
وبتشرح ياااااااااااااااه
الواحد اليوم ده بدع والله
كان واقف فى نص هدومه وبيقول كلمه وبينسى عشره
وعمال بيصب عرق وياحلاوه بقا لو الدكتور خبطك سؤال ماتقومش منه تانى
اما بقا سكاشن الهستو
دى كنا بنشوف فيها العينات تحت الميكرسكوب بس كان فى حاجه غريبه
انك لازم تلبس البالطو
هههههههههههههههه فاكرينه دا احنا المره اللى فاتت بهدلنا امه
مسكين والله اظن انه كان فى السكاشن دى اهم منك شخصياً مش فاهمه ليه يعنى
انا فاكره مره اللى كان ناسى البالطو كان بيدى الداده جنيه علشان يدخل السيكشن ههههههههههههههه ولسه يا ما هنشوف
المهم بلاش نجيب فى سيرة الناس :P
وتيجى بقا علشان تبص على الميكروسكوب تلاقى قتل السيكشن كله على الميكروسكوب
ناس مجتهده الواحد كان بيشوف بالعافيه
وانت بتبص ممكن تلاقى عشرين واحد راكبين فوقيك عايزين يشوفو هما كمان عاااادى ناس مجتهده بقا
وكان فى ايه بقا سكاشن الجينتكس
دى كنا بنتبهدل فيها مش علشان حاجه لا علشان بس نلاقى المكان اللى ناخد فيه السيكشن
مره رحنا العيادات الخارجيه كالعاده يعنى فقالو السيكشن فى الاكاديمى الدور السادس فرجعنا تانى وفى ناس مننا طلعت السادس مالقيتش السيكشن فرحنا واقفين تحت الاكاديمى وبعدين قالو السيكشن فى مدرج واحد فاكرينه اللى كنا بنأخد فيه المحاضرات ايوه برفو هو ده اللى فيه العماويد والتصميم الرائع رحنا المدرج واستينا لحد ميعاد السيكشن ما خلص
وما اخدناش اليسكشن عااااااااااادى جدا دانت فى كلية طب يعنى كل شئ جاااااااااااايز
ابتسم دانت طالب محظوظ
شوف ازاى الكليه بتحب تفسحنا هو اكيد خارج عن ارادتها(اموشن بيغمز) بس ادينا اتفسحنا من الشرق للغرب للشمال لليمين شمعه فله منوره ....
اه نسيت اقولكم على الكتاب كالعاده نفس اللى حصل المره اللى فاتت :D
بس المره دى الكتاب الازرق :P
ادى التيرم الاول خلص المفروض بقا نعمل زى الناس الطبيعين ونمتحن ونأخد اجازة نص السنه اللى بقالنا سنتين من الظلم والاضطهاد lمع الثانويه العاميه جه الوقت المناسب علشان نرتاح
بس بما اننا دفعه محظوظه فقالو اننا هنمتحن بعد الاجازه يعنى هتقعد فى الاجازه زى ال......... والا بلاش تذاكر
وضاع حلمنا وااااااااااااااااء قصدى ضاعت الاجازه عااااااااااااااااااا
الامتحان بقا واللى حصلنا فى الامتحان ما حدش يفكرنى اسكتو ساكتين خالص مش عايزه افتكر ....
خير اللهم اجعله خير شوية ورق يا خويا يجى فيهم200 سؤال والا ايه والله مش فاكره بالظبط مع انها حاجه ماتتنسي بس انا بحاول انسى الذكرى دى زى ما بحاول انسى النكسه كده
اه طبعا الاتنين شبه بعض
فالنكسه الشعب المصرى اتنكس وانهزم
اما بقا يوم امتحان السيمستر فالشعب المحظوظ احم اللى هو احنا طبعا اتنكس واتصدم
الورقه كانت شامله كل الموديولات وكل مايخطر على بالك من الالف الى الياء المفروض ان لكل سؤال دقيقه فانت كنت بتضيع دقيقتين علشان بس تركز وتعرف الحته دى من انهو كتاب الازرق والا الاخضر والا اللبنى
ده كان الmcq
امال بقا الاسى كان فيه اول سؤال ده كان صاعقه حوالى تسع درجات ترمانولوجى حاجه زى الفل وغير اسئلة البايو اللى مركز فيها على اجزاء معينه بس
الطلبه بقا يعينى طلعو من الامتحان ده من كتر اللى شفوه بيضحكو بيضحكو زى المجانين لا وايه كانو مبسوطين قوى على الرغم من كل العك واللت والعجن اللى كان فى الامتحان الا انهم مزقططين علشان هنأخد يومين اجازه
هيييييييييييييييييييه اخيرا هنأخد اجازة نص السنه
هما يومين ياااااااااااااااه ايه الكرم ده كله
اليومين دول بقا تحاول تستغلهم على الاخر يعنى تخرج مع اصحابك وتزور كل قاريبك وتتفسح وتسافر وتقعد على النت براحتك وتتفرج على التليفزيون دى اجازة نص السنه يا جدعان اظن ان اغلبنا قضاهم نوم بيريح نفسه من الحرب المريره (مهزوم مهزوم يا ولدى:D)والايام الشاقه اللى هو عشها
انا مش لقيا حاجه اقولها غير ان اللى جاى احسن واحسن قولت ماحدش يضرب الله خليك طموح طموح يامحظوظ وابتسم دانت طالب طب
دمتم فى رعاية الله
ليست هناك تعليقات:
إرسال تعليق
اترك لك هنا نبضة