الاثنين، 19 ديسمبر 2011

المتلونون


تلونو بالوان التغيير القرمزيه 

ونسو ان مع قدوم الشتاء 

كل تلك الالوات سيزيبها المطر 

وسيعودون يوما للونهم الشاحب

وسيعلمون ما هى حقيقتهم 

وان الوان جلودهم مستحيل ان تتغير

الثلاثاء، 13 ديسمبر 2011

كليه بنت تييييييييييييييييييييييييييييت



دايما بنقووول هتعدى واالى جااى احسن ان شاء الله 

وبكره احلى 

وخلاااااص احنا اخدنا على كده

واتعودنا على نظاام الكليه وعلى قرفها 

بس بجد انا دلوقتى محبطه احباااط ما فيش قده

اولا الكم كبييييييييير 

ثانيا الدكاتره امووووووت واعرف بقو دكاتره ازااااااى 

مش بيعرفو يشرحو خااالص اطلاقا ابداااا 

هما ليه اى حد بيجيب تقدير عاااااااالى ويرتب ويكون حافظ الكلمتين اه هو كويس وعارف ووواعى ومش عارفه ايه 

بس مش بيعرف يوصل معلومه خاااااااااااااااالص

بجد حاجه نيييييييله خاااالص

خلتنى زهقت من كل حاجه 

ويأست انى فى يوم من الاياام ممكن اكون دكتوره 

ولا افهم حاجه فى اى حاجه 

ياااربى

دلوقتى بعد ما حددو ان فى امتحاان بعد الاجازه 

احب افهم انا بقا طااالما فى امتحان بعد الاجازه ليه ما خلوش كل موديووول لوحده 

عااااااااااااااااااااااااااااااااااااااااااااا

بدل مهم جمعينهم على بعض وقارفنا فى عشتنا وعيشة اللى خلفونا

انا تيقنت انى مش هخرج من الكليه دى سليمه 

ضغط وسكر دى حاجات اوليه كده 

والنهااايه شلل رباااعى 

ياااااارب الطف بينا وهووون علينا داخنا غلااااااااااابه وياما اخدنا على دماغنا ×_×

انا نفسى احس انى انساانه ليا حياااه وسن المفروض امرح فيه 

المشكله فى النيله الزفته الكليه دى 

انك يا اما تعيش حياتك 

يا اما ما تعيش خااالص

بجد بجد بجد بجد

اناااااااااااااااا محببببببببببببببببببببببببببببببببببببببببببببببببببببببببببببببببببطه 


:@

الاثنين، 12 ديسمبر 2011

أحمد بهجت




غادر عالمنا امس الاحد الكاتب أحمد بهجت 

رحمة الله عليه 

امتعنا كثييييرا وعلمنا كثيرا وافادنا كثثثير 

اللهم اجعل مثواه الجنه

كلمات حيرانه




انا قلبى لما انجرح كان فى النار دواه 
لف الكون واشتكى من قسوة اللى كواه 
وللنجوم بكى من اللى قساه
زرع الحب بين ضلوعه

ورماه فى متاهة سوووده 
بالعتمه مستدوووده 
وبالهجر منشوووده 

وبالدمع مسقيه 
وبالشوك مفروشه 
اه ياليل و اه يا قلوب حيرانه 
هزلانه
ندمانه 
اه يا ليل واه يا احبه تعبانه 
من الفراق قرفانه 
وبالحب مستحمله وصبرانه 
دى كلماتى متعنكشه 
ومن حيرتى متفركشه 
بكتب كلام فى الهواء 
وعيونى بالدموع مليانه 
اااه يااانى يا حيرانه
\\\\\\\\\

الجمعة، 9 ديسمبر 2011

ندمانه

ببكى بحرقه مش عارفه ليه
كل اللى عرفاه انى ندمانه
ندمااااانه قووى قووى قووى
على حاجات كتير
ممكن اكون ندمانه على ناس دخلتهم حياتى
بطريقه غلط
واتصرفت معاهم غلط
وممكن اكون ندمانه على مواقف عملتها واتصرفت فيها بحماقه
اكيد خلاص الحاجات دى ما يفيدش فيها الندم  لانها عدت خلااااص
بس برضو انا ندمانه
وهفضل كل ما افنكر ابكى

الاثنين، 5 ديسمبر 2011

وطنى مصر





لم اكن اعلم اننى تربطنى به تلك العلاقه القويه 

فى البدايه ظننت انه حق الانتماء 

ولم اجد مبرر لحبى له 

اننى كنت اظن ان حبى هذا واجب وطنى 

فلم يرتعد جسدى يوما اثناء تحية العلم 

ولم تدمع عينى ولو لمره وانا اردد النشيد الوطنى 

كنت اعلم اننى انتمى اليه وانه جزء منى وانا جزء منه 

ولكنى لم ادرى اننى على استعداد ان اضحى من اجله بروحى ونور عينى 

كنت اظن ان فى اول مشكلة سأتخلى عنه 

قد اكون لاادرك اننى اعشقه هكذا واننى اتعلق به هكذا 

وانه مصدر قوتى وإلهامى 

وان حبى له فطرى كحبى لأمى 

ينمو داخل قلبى منذ اول نفس تنفسته 

فيكفى انه وطنى 

من اختلط حبه بأولى ذرات هواء تخللت الى جسدى الصغير 

اول صرخه لى هزت ارجائه 

اول دمعة لى سقطت على ارضه 

اول نسمة هواء داعبت وجنتى كانت هدية منه 

انه وطنى وهذا يكفينى 

اليوم اعلن امام الملاء 

انى اعشق وطنى مصر 

عشق المجنون 

واقر واعترف ان اخيرا 

دمعت عينى وانا اردد النشيد الوطنى 

بلادى بلادى بلادى لكى حبى وفؤادى 

اثناء سيرى فى المظاهرات 

لـ ادافع عنها 

واعلن عشقى لها 

فانا اعشقها قويه 

عزيزه 

صامده 

اعشقها مرفوعة الرأس شامخه 


عالية الشامه 

فعزة مصر تكمن فى ابناءها 

يا مصر

ارفعى رأسك عاليا 

فكم شهيد 

سالت دماؤه من اجل عزتك 

وكم رجلا ترملت امرأته 

ليمنحكى حريتك 

وكم شابا 

فقد نور عينه 

ليسلبكى من الظلام 

يا مصر 

تزينى وتجملى 

تفاخرى وتعالى 

ترنحى وتمايلى 

فانت أم لابناء 

حقا خير جنود الارض 

يا مصر 

انى افتخر انكى لى بوطن 

سأحميه 

واحافظ عليه 

وسأظل اهتف واهتف من اجلكى 

حتى اذا بح صوتى 

لن اتوقف حتى امنحك عزتك 

او افقد روحى

الاثنين، 21 نوفمبر 2011

لك الله يا مصر





ياللهى قد ارتفع صوتنا
 
وكثر شهداؤنا
 
وزاد كربنا
 
فأحفظ لنا مصر

أمنه مطمئنه 

رافعه الرأس شامخه
 
هادئه مستكينه
 
ياللهى زاد القتلى عددا
 
وزادت بلادنا خرابا
 
وامتلئة قلوبنا غضبا

وقام شعبنا ثائرا

سفكت الدماء
 
ونام الجبناء

يالله
 
يسر لنا امرنا
 
واجمع شملنا
 
ولا تشمت فينا الاعداء

اللهم احفظ مصر أمنه مطمئنه 

الخميس، 17 نوفمبر 2011

معلمى




رحمة الله عليك معلمى 

اتذكر لك مقولتك لنا دائما

ضع القلم وأرفع رأسك فقد مضى عهد الاستبداد 

اتذكر وجهك المشع بالحياة

وكلماتك المليئه بالتفاؤل

كنت معنا

واصبحت بعيد عنا
رحماك ربى كم زائفة تلك الحياة 

ادركت الآن حقارتها 

من يكون معك اليوم 

قد لا يكون معك غداً

ومن يدريك ما حالك غداً

رحمة الله عليك استاذى 

فمن علمنى حرفاً صرت له عبداً


اللهم اجعل مثواه الجنه

السبت، 12 نوفمبر 2011

يوم جميل


مش انا جيت من الامتحان
كان حتت امتحان
انما ايه 
ف العضل 
يلا الحمد لله على كل حااال

بس كان يوم ايه 
جااامد اخر حاجه على رأى ما بيقولو 
جامد فحت النحت ^_^
خلصنا الامتحان على خير
ويا سبحان الله 
تبص يا خويا تلاقى 
انتشار لولبى حلزونى لكتاب الموديول (الاحمر)
فى ارجاء محطه الرمل والمناطق المحيطه 
احنا بقا قولنا نزقطط شويه دول 12 ساعه اجازه بس
نعمل ايه نروح فين والا نيجى منين
قررنا اخيرا
نروح السيما
ايوه السيما مالها السيما 
حلوه السيما 
وسمعنا فيلم 
ياااراجل
فيلم مره واحده 
طبعا
هو احنا شويه
ومش اى فيلم ده فيلم احمد حلمى الجديد يا معلم
Xلرج
على فكره يعنى
هو رخم
على الرغم انى ضحكت ضحك
بس برضو رخم
وخرجنا من السيما 
وروحنا هيييييييييييييييييييه 
وخلص اليوم
وها انا ذا اجلس على فراشى
واكتب هذا التقرير
وصوت عبد الحليم يتردد فى الغرفه
(حبيبها لست وحدك من تكون حبيبها )
وهكذا انتهى يومى 


الجمعة، 11 نوفمبر 2011







♥ 11-11-2011 ♥

i like it 


نظرا لان انا عندى امتحان بكره 

ولفت انتباهى التاريخ ده جداااا

وعجبنى قوى

وانا مش فاضيه اكتب اى حاجه دلوقتى خااالص

فبحجز مكان بالتاريخ ده بس

لحد مااجى من الامتحان بكره 
وارغى شويه 

بجد وحشنى الرغى قوى 

D:

يلا سلاااااااااام 

عندى مذاكره يا جدعاااان 


:)




يا سلام 

ناس قاعده مأنتخه فى النادى 

وناس قاعده مع الكتاب بتتدادى




و اللى يغيظك بقا انهم فى الاخر بيجيبو اجدعها تقدير 


وله فى ذلك حكم

انا عندى امتحان 
وقاعده بدادى مع الكتاب من الصبح 
وربك بقا عليه تساهيل الحال
بس بقولهالك اهه
دعوتك لوحدك مش كفايه 
^_*

الأربعاء، 9 نوفمبر 2011

اليك اشواقى





يمر الزمن واحتاج لك اكثر
بمرور الوقت تتخل الى اعماق قلبى الضعيف اكثر
لا انه ليس بضعيف انه قوى بحبك
قوى لانه نقش فيه اسمك
انت من تكسبه قوته ويستمد من حبك ثباته وشموخه
انت انت ولا احد غيرك
كلما يمر الزمن احتاج لقلبك الدافئ اكثر واكثر
فنهارى يبداء بسؤال يتردد
اين انت؟؟؟؟
وليلى يأتى بجملة 
اشتقت اليك
اشتقت اليك بدون لقاء 
اشتقت لحنان صوتك
وبرأة عينيك
اشتقت اليك ولك يكون الشوق

الثلاثاء، 8 نوفمبر 2011

جزمه المشير

وقالك ايه يا خويا 
جزمة المشير اتسرقت 
يا عييييينى 
وقالك ايه كمانى 
على اخر الزمن يحكمنا واحد حافى 
وقالك ايه تانى 
ان اخر الانباء بتأكد انهم لسه ما مسكوش الحرامى 

بجد كل ده كلام فاضى 
كل سنه وانتو طيبين
ولجزمكم منشولين 

الجمعة، 4 نوفمبر 2011

مخنوووووووووق

ماحدش شايفنى
ولا حدش عارفني
وصوت الحزن فى صوتى
قاتلنى
وكاشفنى
وفكره مجنونه ساكنه عقلى
وطعم الجرح ممررلى حلقى
وما حدش حسسنى
بصرخ ف يومى
ميت الف مره
وبرمى بهمومى من قلبى بره
بحاول اهرب
وعن الناس اختفى
ولايامى اعيش
واحزانى تتنسى
بحاول ابعد عن الضياع
ولكنه ساكنى
اخدنى ومالكنى
سجنى وفى نقطة نقائى قتلنى
ولطفل بيمرح فى قلبى بصفاء
قتل فيه الطفوله 
والعزه والكبرياء 
وبقا طفل عمره والا الف عام
اه من الاحلام
لما تصبح رماد
ووسطها اشلاء نيران
اه واه من الخنقه والدمعه
واه منك يا نفسي
آه 

الأحد، 23 أكتوبر 2011

كلام مالوش لزمه .... متجدد




ساعات بحس بالبرد

 فى عز الصيف 
ولو اتغطيت بكل الغطاء
 اللى فى الدنيا مش بتدفى
 اكيد انت عارف ليه 








حاجه غريبه جدا 
النهارده قررت انى اقفل صفحه من حياتى 
بدايتها اسمك ونهايتها اسمك
بدايتها حبيتنى
ونهايتها حبيتك
لدرجه انى بدأت اكرهك
خفت على نفسى من الجنان
اصلى بحب ف خيال 
وخفت عليك من جنونى وانانيتى
بس تخيل بقا ايه اللى حصل 
الساعه تلاته الفجر 
الاقى نفسى قايمه من السرير  والدنيا برد
ورايحه على المطبخ وبعمل مكرونه 
بعد ما خلصتها 
قعدت اضحك واضحك واضحك
اكيد عرفت ليه 
;)
عشان افتكرتك وانت بتاكل مكرونه بالليل 
وانا بتريق عليك
وبقولك 
يا خبر
فى حد يأكل مكرونه دلوقتى
وانت تقولى 
اعمل ايه جعاااااااااااان 
وده اللى قدامى
:)
عارف انا ساعتها بس 
حسيت انك فعلا جوايا 
ساكنى
مش بس ساكن قلبى
لا انت ساكن كلى
ومع ذلك برضو
همسك صفحتك دى واقطعها 
على امل انى اكتبها تانى معاك 
نمسك قلم واحد ونخططتها سوا 
..........




الجمعة، 14 أكتوبر 2011

مدوونتى وحشتنى



يااااااااه مدونتى حبيبتى
 بيتى التانى وصديقتى
وحشتنى جدااااا
 ووحشنى الرغى هنا مع نفسى
والتطفل على المدونات التانيه 
بس الظروف كانت كده
 دلوقتى مش عارفه ليه عايزه اتكلم
 واطلع كلام كتير محبوس جوايا
 بس الايام اللى فاتت علمتنى انى مااتكلمش لما اكون عايزه اتكلم
عشان ماارغيش كتير وماابوظش الدنيا كالعاده يعنى
ولاسباب تانيه كتير
 بس انا اللى هقوله دلوقتى
ان بجد الاسبوعين اللى فاتو كانو من احلى الايام
 وعشت اوقات جميله مع صحبه اجمل

الاثنين، 26 سبتمبر 2011

فاكر




فاكر لما كنا بنتمشى على البحر والدنيا شتت علينا وطلعنا نجرى سوا تحت المطر ونتضحك زى الاطفال الصغيره وانت كنت مبسوط قوى وعشان هدومى كلها اتبلت وانا مش بحب كده ....

فاكر لما جتلى الكلية وقعدت معايا ف الجنينه وروحنا سوا وانت صممت لازم توصلنى لحد البيت وماما ساعتها اتحايلت عليك انك تتغدى معانا وانت ما صدقت وكملنا اليوم سوا حتى وانت مروح فضلنا نتكلم سوا ع التليفون لحد ما نمت وانا لسه بكلمك

فاكر لما اتخانقنا سوا على حاجة تافهه كالعاده وانا قعدت اعيييييييييييييط وزعلانه منك طول اليوم وانت جيتلى بالليل وجبتلى معاك شوكولاتات كتير وصالحتنى وقولتلى (هو فى بنوته شطوره تزعل من حبيبها كده )

يااااااه تصدق وحشتنى الايام دى جدااا

فاكر يا حبيبى لما جالى انفلونزه وكنت تعبانه جدااا ونايمه ف السرير وانت جيت زورتنى واستأذنت بابا انك تدخلى الاوضه عشان تشوفنى وتتطمن عليا وقعدت جامبى واكلتنى شوربة الخضار اللى مش بحبها بس تصدق ساعتها كان طعمها جميييل عشان بس انت بتأكلنى بأديك

وساعتها اتعديت منى وتعبت انت كمان وانا رحت زورتك وكنت لسه تعبانه فاكر ساعتها انت قولتلى ايه .........

قولتلى (يا رتنا كنا متجوزين دلوقت عشان ننام جمب بعض ونأكل بعض الشوربه ونعمل كمدات سوا )

فاكر كمان يوم ما نجحت وأخدت البكالريوس وجه معاد حفلة التخرج بتاعتى وانت جيت وكنت جامبى طول الوقت وانا كنت خايفه ومرتبكه جدااا بس وجودك جامبى طمنى جدااا

طيب بقا فاكر لما كنت عازمنى على ايس كريم بالشوكولاته اللى بحبه جدااا وكنت اليوم ده وسيم خالص ورومانسى جدااا وشكلك غريب كده لا مش زى مافهمت انت طبعا دايما وسيم وشيك ورومانسى بس حسيت ان الموضوع فيه إنه ..

وفجأة لقيتك قمت من على الكرسى ومديت ايدك ليا ومسكت بأيدى وقولتلى كل سنة وانتى حبيبتى كل سنة وانتى معايا 

ورحت عطينى كتاب انا بحبه جدااا وكان نفسى اشتريه وكنت كاتلى جواه اهداء جميل (إالى حبيبتى وطفلتى المشاكسة )

بجد ساعتها انا كنت مكسوفه جداا وفرحانه قوى وزعلانه قوى برضو

فرحانه انك افتكرت اليوم ده يوم ميلاد حبنا وزعلانه انى والاول مره انساه 

مكسوفه عشان انت كان صوتك عاالى وكل الناس التفتت ليك وكانو بيتفرجو علينا 

ياااه اليوم ده كان تحفه قضيناه كله مع بعض 

لعبنا واتفسحنا وضحكنا من قلبنا زى الاطفال 

يااااااااااااه انا بحبك قوى 

بحبك وانت فرحان ومبسوط

وبحبك وانت متدايق عشان بتقرب منى اكتر وبحس بوجودى معاك

بحبك لما الدنيا تديق بينا وننسى كل العالم ونكون سوا

بحبك وبشوف الدنيا بعنيك بحس انك ابنى وانى بنتك 

بحبك لما بتحتوينى وتفهمنى وتشيل عنى كل همومى

بحبك وانت قريب منى وبحبك وانت بعيد عنى

عشان بعدنا هو اللى بيقربنا من بعض اكتر

بحب علاقتى المعقده بيك

وبحبك انت بكل عقدك وفلسفتك وكلامك المجعلص اللى مش بفهمه ساعات كتير

بحبك وانت بقتولى تتجوزينى 

يااااااااااه بحبــــــــــــك 

بحبك يا كل كيانى 

انا فاكره كل حاجه حصلت بنا وكل حاجه ماحصلتش وكل حاجه لسه هتحصل 

ليك ذكريات ف قلبى هى دى اللى انا عايشه بيها وعشانها

.................................

كل دى حاجات عمرها ما حصلت 

وعمرى ما عشتها

بس دايما ف خيالى

بتمنى اعيشها ف الواقع

مع حبيبى وجوزى وابنى وابو عياااالى

بحبك من قبل ما تيجى واعرفك وتقولى هل تقبلين بى زوجاً لكى 




الأحد، 25 سبتمبر 2011

قصصنا,,




عندما تقترب قصصنا من خط النهاية
 نتصفح أحداثها
فنجد بين السطور
لحظات سعادة
 وحب وشوق
وجنـــــــــــون
ولكن كل الاحساسيس الجميلة تلك
فى طريقها إلى التلاشى
 والنسيان
أصبحت قصصنا فى خبر كان

الخميس، 22 سبتمبر 2011

أفتقدك




عندما اشعر بأفتقادك

أجدنى أبحث عن أكتر الأشياء التى تذكرنى بك

أتصفح رسائلك

أتذكر كلماتك

أعبث وسط صورك

ألتهم الشوكولا

أغمض عينى وأتذكر لقائى بك

نظرة الصدق فى عينيك

أجدنى أبكى وأبكى

وأقول ,,

حبيبى ,,

أين أنت ؟!







الانتماء يخلق فى داخلنا مساحه من الامان,,,,,,,
وأنا أنتمى إاليك,,,

الموت غرقاً




لحظات الحزن تمر كسنوات 

تحاول ان تجرفنى 

إلى الاعماق فى بحر مظلم

تخنقنى عتمة المياة

أجاهد الموج

ولكنه يسلبنى من ذاتى

لا اسمع سوى دوى ارتطام الامواج بجسدى النحيل

احاول الاستسلام فلامفر من الموت غرقاً

أغمض عينى

واعلن للامواج استسلامى

اجدها تحتضننى أكثر فأكثر

لتعتصر كل ذرات جسدى

وأجد شريط مبهم التفاصيل

استرجع احداثه امام عينى 


أرى فيه مواطن ضعفى وقوتى 

فاسمع صوت ينادينى من اعماق نفسى

هيااااا...

افعليها

افيقى

اخرجى من بحر احزانك المظلم

أنك تستطيعين

هياااا...

جاهدى نفسك

ارتقى بروحك لتنتشليها من تلك الظلمه

تذكرى لحظات الفرح 

لعلها تخرج لكى ضوئاً فضياً 

ينير لكى العتمة 

ويصبح سراجك 

هياااا ...

اخرجى تلك الطاقة بداخلكى 

فلا مجال للاستسلام 

فبحر الاحزان اعمق مما تتخيلى 

هياااا... 

عزيزتى 

أفعليها

الأحد، 18 سبتمبر 2011

الاقدار






ليس مقدر لك أن تسمع همس كلماتى


ويشعر قلبك بى 


وليس مقدر لى أن أرى عينيك مرة أخرى 


واشعر بحبك لى 


ولكن


إنها لأقدارُنا

وعدته




وعدت قلبى ألا انساه 

ألا أرتدى ثوب نسيانه

وامزق دفاتر ذكرياتى 

ألا تدق ساعة النسيان فى أرجاء منزلى 

أن اتزين له كل يوم 

منتظره قدومه 

وفى أخر اليل تسكننى خيبة الأمل 

سأعيش بأكذوبة 

سأحبك إلى الأبد ,,,,,

يوم من عمرى





بقالى ساعة فاتحة الصفحة دى ومبلمه قدامها كل ما اكتب كلام اجى مسحاه 



عايزه اعبر عن يومى النهارده




عايزه اصرخ واطلع الشحنه اللى جوايا من امبارح

عايزه اقول بأعلى صوت أحمدك يارب
واقول كمان لمامتى

انا بحبك قوى
وانتى غاليه عندى قوى

ووالله افديكى بروحى 
وعايزه اقولها وبشر الصابرين 

بجد مش قادره اعبر عن اللى جوايا 
مشاعر كتيره عكس بعضها

فرحانه قوى وخايفه قوى 
ممكن يكون خوفى من مافيش

بس الحمد لله 
,,,,,,,

صراحة اليوم النهارده مع اخواتى الصغننين كان ما يتوصفش بجد كان تحفه 
بس لو ما كانتش القلق متملكنى كنا بدعنا سوا

اكيد يعنى رؤى ورنيم بدعو وماشاء الله يعنى هما شطورين وهاديين وبيسمعو الكلام لدرجة انى كنت بصرخ من الغيظ 
ولسانى وجعنى من كتر ما قولت بس يا حبايبى بس يا عسولاتى 

اللى اتقلبت ف اخر اليوم بس يا بت منك ليها اهدى شويه يا زفته سيبى التليفون يا نيله 
يااه د اخواتى دول هاديين هداوه بس على مين 

اذا كانو هما شمشون انا عنتر 
هااا 
بس بجد دول ولادى حبيبى وانا بمووووووووووت فيهم وف شقاوتهم وعصبيتهم ولعبهم وكلامهم 
ومش بتدايق لما اغير لرنيم البالمرز دانا بفرح عشان هى بتضحك وبتكون فرحانه 

ولا بتدايق من رؤى وهى ما شيه ورايا وعماله ترغى وتفسد ف اى حاجه ف وشها 
بحب الشقاوه اللى فعنيها قوى 

وكسوفها وهى بتعترف بالغلط 
يااااااااااااه يا حبيباتى 
,,,,,,,,,
انا بقا النهارده كنت ست بيت ممتازه 

وماما شهدت لى بكده وفرحت بيا لما رجعت بالسلامه 
بدأاليوم بأن اخواتى صحيو 

ورنيم كانت متدايقه وبتعيط عشان ما ما مش ف البيت 
بس انا صالحتها وبطلت عياط

فطرتهم
واخدتهم ع الحمام وحمتهم

وجه بقا ساعة التسريح
اسرح لمين الاول 

رنيم قاعده قدامى ورؤى واقفه متربصالى وماسكه ف ايدها بتاع عشر توك 
وعايزه زعارير كتييير

فقولت ابدأ برنيم دى ما عندهاش غير شعريتين بس المهم باى توكه
سرحت لانومه

وبعديها بقا اخدت من رؤى كل التوك وماعملتلهاش غير زعرورتين 
ويا دوبك خلصت رؤى لقيت رنيم عنكشت شعرها

يووووه
رحت مسرحاه تانى

بس رؤى شطوره ما مسكتش شعرها 
المهم

رحت بقا انضف البيت
وهما ماشيين ورايا زى النحله 

احلى حاجه بقا
واكتر حاجه تفرس النهارده ان رنيم حبت تنام وبعد معاناه نيمتها ويا دوبك بعديها بربع ساعة لقيتها بتصرخ جامد 

رحتلها لقيت رؤى قاعده قريب منها ومربعه اديها وواضح انها عمله عامله
هتكون عامله ايه يعنى
اكيد ضربت انومه الغلبانه الصغنونه دى 
صالحتها ولعبتها 
وجبتلهم زبادى وبتهم ورحت المطبخ 
يا دوبك ما عداش ثوانى
جعت لقيت وشهم ابيض من الزبادى والهدوم والارض وكله نيييييييله
وهما الانين عمالين يضحكو ومبسوطين قوى
اعمل ايه انا ؟؟
اكيد قعدت اضحك معاهم 

المهم بقا عملت الغداء وعيونى وجعتنى من البصل 

وحالتى كانت حاله
وغدتهم وغيرت لهم تانى وقعدنا نتفرج على الكارتون سوا 

وشغلنا اغانى واقعدنا نتنطط ونرقص ونلعب لحد بابا وماما واخواتى ما رجعو 
,,,,,,,,,

كل ده وانا هموت من القلق 
كان يوم عصيب جداا جداا

بس الحمد لله 
عدى على خير

واتطمنا كلنا 
واحلى حاجه شفتها النهارده نظره ف عيون بابا زى اللى بيقول فيها الحمد لله انى خلفت رجاله

حسيت ان بابا وماما بيحبونا قوى وبيخافو علينا قوى 
وانا بجد بموت فيهم ومااقدرش اعيش من غيرهم ولا بعيد عنهم 


ربنا يخليهم لينا