الأربعاء، 17 أكتوبر 2012
الأحد، 26 فبراير 2012
الوحده
الوحده
الوحده مش معناها انك تحس انك لوحدك
ومافيش حد حواليك
ومش لاقى حضن يضمك
الوحده هى انك تحس بغربة النفس
اكتر من غربة الاهل
انك ماتلاقيش نفسك
وماتحسش للحياه باى طعم
انك تعيش فى روتين معين
وانت مش حاسس بنفسك
عايش والسلام
بجد الوحده شئ صعب قوى
ممكن اللى حواليك يكونو شايفينك حويس ومافيش زيك حد
لكن انت غير كده خاااالص
انت انسان نفسه يحس بالسعاده
نفسه يشوف النور
الأربعاء، 15 فبراير 2012
انا طفل
محتاج لحد يطبطب عليا
ياخد بأديا
يمسح دمعتى
ويحسسنى بالحنان
محتاج انسى معنى الحرمان
محتاج اخد فرصتى
واعيش كأنسان
دانا خلاص نسيت معنى الأمان
دمرونى
وضيعونى وفى الشوارع رمونى
قتلو طفولتى
وسودو الدنيا قدام عيونى
الثلاثاء، 14 فبراير 2012
الكاتب الساخر جلال عااامر
معانا دلوقتى الكاتب الساخر جلال عاامر
ــــ معلش فى البدايه انا ليا تعليق بسيط على كلمة الكاتب الساخر دى
يا جماعه انا ولا كاتب ساخر ولادقيق فاخر
انا جلال عامر وبس
الكلام ده بيتردد صداه فى ودانى دلوقتى
ده كان فى المره الوحيده اللى شفت فيها جلال عامر فعلا ومن قريب قوووى
كانت فى اضراب عمال مكتبة الاسكندريه
وانا كنت ماره من قدام المكتبه بالصدفه
سمعتهم بيقولو ده جلال عامر هنا
من كتر حبى للراجل ده
نسيت انا رايحه فين
وجريت بسرعه على هناك ولقيته وفرحت قووووووى انى شفته وسمعت الكلام ده لما الراجل بدأيقدمه
للاسف ما قدرتش اقف كتير عشان كان عندى مشوار مهم
بس حقيقى كنت مبسوطه لمجرد انى شفته ولمجرد انه لمابدأكلامه بدأه بدأه بهزار وبمنتهى الحب
ياااااااااااااربى خبر وفاته وقع على قلبى كالساعقه
زعلت قووى
بجد كلنا هنفتقدك يا استاذ جلال
هنفتقد نظرتك الساخره
والضحكه اللى كانت بتطلع من قلبنا على واقعنا المرير لما نقرأكلامك
ياااااااااااااااااااااااااااااه بجد انا زعلانه
والدموع ماليه عنيا
انت سبتنا فعلااا يا عم جلااال
لا ماسيتناش لسه روحك وفكرك وكلامك ساكن جوانا
ودايما هتفضل فى قلوبنا ذكراك
ـــــــــــــــــــــ
بعض مقولات الساحر جلال عامر
الكمال لله وحده، فلا تحاول البحث عن الكمال فى إنسان حتى لا تخسره
إذا أردت أن تضيع شعباً اشغله بغياب الأنبوبة وغياب البنزين، ثم غيِّب عقله واخلط السياسة بالاقتصاد بالدين بالرياضة
أصبحنا كشعب نبكى دون قنابل مسيلة للدموع...
بعد أن حصل على "الليسانس" بدأ فى "تحضير" الماجستير وبعد أن حصل على "الماجستير" بدأ فى "تحضير" الشاى للزبائن.
كان القيصر الرومانى عندما تثور الجماهير يضحى بالوزير ثم يكمل الدور بالطوابى والأفيال، فمن خُلق ليزحف لا يستطيع أن يطير، وأصابع "زينب" رغم حلاوتها "لا تعزف" ولقمة "القاضى" رغم روعتها "لا تحكم"، والقانون لا يحمى المواطنين.
كل نصاب يلزمه طماع، وكل دجال يلزمه جاهل، وكل طاغية يلزمه جبان..
يقول "إسحاق نيوتن": إن لكل فعل، رد فعل ونحن نعاتب "رد الفعل" ولا نحاسب "الفعل" بسبب وجود أخوات "كان" المنتشرين فى كل مكان.. الحساب قبل العتاب، والواجب قبل الدموع.
عندنا وزراء أكثر من أيام "الشهر" ونواب أكثر من أيام "السنة" ومع ذلك نعيش فى "قرن" الخروب..
نحن ديمقراطيون جداً? تبدأ مناقشاتنا بتبادل الآراء فى السياسة والاقتصاد وتنتهى بتبادل الآراء فى الأم والأب
الذى يمسك العصا من المنتصف ينوى أن "يرقص" لا أن "يرفض"..
اكتشف "كولومبوس" أمريكا ثم اخترعت أمريكا "المعونة"، فإذا ذهبت إلى الحكومات كانت "مساعدة" و إذا ذهبت إلى المنظمات كانت "تمويلاً"!!..
قالوا للمصرى سمعنا صوتك ? فغنى "ألحقونى"!ا
انتشرت جداً درجة "الدكتوراه" المضروبة.. فى الأسواق "دكتوراه" صينى لكل المقاسات.. بعد عام واحد من استعمالها تتحول إلى "إعدادية".
أعظم ما تعلمته من نظام الرئيس مبارك هو كيف ينهزم وطن دون أن يحارب وكيف يتحلل مجتمع دون أن يموت..
تركنا مبارك عرايا واكتسى هو, جوعى وشبع هو, فقراء واغتنى هو, مرضى وعولج هو.. وعندما قمنا بالثورة لنحقق العدل.. تحقق له هو!!
تعمل الشمس 12 ساعة فى اليوم لتذهب الأرباح إلى الجالسين فى الظل!
المشكلة ليست فى أنه لا يوجد حل ولكن المشكلة أنه لا أحد يريد الحل
دكتور ابراهيم الفقى
انتقل إلى الرفيق الاعلى رجل اثر فى الجميع
رجل حفرت كلماته فى ذاكرتنا
وغير بأفكاره مجرى حياة الكثير منا
توفى الدكتور العبقرى إبراهيم الفقى
توفى وترك افكاره خاااالده فى اذهاننا
مات الرجل ولم تمت افعال ولا اقواله
ربى تغمده بواسع رحمتك
وادخله جنتك
ــــــــــــــــــــــــــ
بعض نصائح د. ابراهيم الفقي (رحمه الله) :
1) استيقظ صباحا وأنت سعيد .
2) احتفظ بابتسامة جذابة على وجهك .
3) كن البادئ بالتحية والسلام .
4) كن منصتاً جيداً .
5)خاطب الناس بأسمائهم .
6) تعامل مع كل إنسان على أنه أهم شخص في الوجود .
7) ابدأ بالمجاملة .
8) قم بإعدادالمفاجأة لشريك حياتك .
9) ضم من تحبه إلى صدرك .
10) كن السبب في أن يبتسم أحد كل يوم .
11) كن دائم العطاء .
12) سامح الآخرين .
13استعمل دائما كلمة "من فضلك" وكلمة "شكرا" .
رحمة الله عليك
الأربعاء، 8 فبراير 2012
السبت، 14 يناير 2012
الأربعاء، 11 يناير 2012
الثلاثاء، 10 يناير 2012
طريقى وهكمله
ساعات كتيير بيكون الطريق الضلمة نهايته عموود نوور صغير
اه صغير بس بيدى ضى
مش بنقدر نشوفة واحنا ما شيين فى اول الطريق
بنتخنق وبنخااف وبنتعب
ونحاول نرجع وندور على طريق تاانى
بس بيكون الوقت فاات خلااص
مش بيكون قدمنا حل غير اننا نكمل فيه ونشوف ايه اللى هيحصلنا
ايه النظرة التشاؤميه اللى انا فيها دى
دانا لو فضلنا شايف الطريق بالتشاؤم ده هتعب قووى
ومش هقدر امشى فيه ولو خطوه واحده
عارفين الحل ممكن يكون ازاى
يا سلااام لو استعنت بالله
ورحت وقفت فى المراية وبصيت لنفسك كووووييييييييس قووى
وقول انا قووى انا عندى اراده انا اقدر اتحدى اى حاجه
انا اللى اخترت ده ولازم اكمل
لازم اتحمل نتيجة اختياارى
ده طريقى ولازم امشيه
وماليش طريق غيره
تقوول كده وانت واثق من نفسك
ومن ان الله هيوفقك ان شاء الله
وتحاول تبدأ من جديد تحااول تنور طريقك من غير عماويد نور
واياكى تفتكر ان الوقت خلااص فات
وان الفرصة ضاعت
لا
لازم تعرف ان طول ما قلبك بينبض
وعقلك بيفكر
ورئتيك بتتنفس
لسه فى امل انك تعمل اى حاجه
طريقك ده هتنوره بفكرك وارادتك ورغبتك فى انك تكمل
وان شاء الله هتقدر تكمل الطريق وتوصل لاخره
وساعتها كمان مش هتلاقى العمود الصغير
لا دانت هتلاقى شمس منوره وزرع وشجر
وهتبدأ فى حصااد اللى بقالك زمن بتزرع فيه
ولازم تعرف ان عمرما حد زرع وزرعته دبلت وما حصدهااش
وعمر ما حد ساب ارضه تبور وجه فى النهايه وحب يحصدها ولقا فيها زرع
ده مستحيل
واياكى اسمع بقا كلمة انا زهقت انا مش مكمل طريقى كله ضلمة
والا حتى انا يااااااائس
سلاااام
الأحد، 8 يناير 2012
مجرد احساس
عارف انت الاحساس اللى ممكن يجى للانسان مننا
لما يكون متعشم فى حد قوووى والحد ده يخزله قوووى
طب عارف انت برضو الاحساس لما حد يبحب حد قووى وفجأة يحس انه هيكرهه قوووووى
ولما حد بيكون قريب من حد قوى وفجأة يبعد قووووى
طب عارف يعنى ايه واحد منهاااااار بسبب حد والحد ده مش حاسس بيه
او واحد بيحط واحد فى مواقف وحششششششششششه
ومحرجة وهو ولا هو حاسس ولا دارى ولاحتى عاارف
طب عارف بقا لما واحد يحذر واحد من انه يجرحه او يهينه
وفجأة يحسسه بالاحساسين فى نفس الوقت
جرح واهانه
برضو وهو مش واخد باله
ولما حد يكون بيكلم حد والحد التانى ده يطنشه
ولما يكون كل افراحك واحزانك مصدرها واحد
والمصدر ده بخييييييييل عليك وقااااااسى قوووووى
ولما تكون محتاااج لحد قوووووووووووى لدرجة ما حدش يتخيلها
وتدور عليه وهو يهرب منك وما يقدرش ده
ولما يكون واحد مرتبط بواحد قوى وشايف فيه كل حياته
وفجأة يلاقى نفسه بقا لوحده
والمطلوب منه انه ينسى الحد ده
او بمعنى تانى يحاول يعيش حياته من غيره
فى البدايه
هيحس ان الموضوع سهل ومافيش اى مشكله
بس بعد شوية هيبدأ يكره قلبه اللى حطه فى الموقف ده
وخلاه يعتمد على حد وهو اصلا مش شايفه ولا معاه
طيب عااارف بقا كل الاحاسيس دى ممكن تعمل فى البنى ادم ايه
ممكن تخليه يكره نفسه
عارف يعنى ايه يكره نفسه
وتضيع منه نفسه الحلوه
ويبقا حد تااانى خااااالص هو مش عارفه
وللاسف يبقا قاسى قوى
والمصيبه انه ممكن ما يقدرش يساامح ابدا مهما كان عفوى
ويتعلم ازاى يكره بدل ما يحب
بس للاسف اللى حب عمره ما يكره
ولا عمره هيحاول يحب تانى
والمصيبه انه ممكن ما يقدرش يساامح ابدا مهما كان عفوى
ويتعلم ازاى يكره بدل ما يحب
بس للاسف اللى حب عمره ما يكره
ولا عمره هيحاول يحب تانى
الاشتراك في:
الرسائل (Atom)