الخميس، 1 سبتمبر، 2011

فضفضة أول الشهر





وخلص شهر اغسطس 
وجه شهر سبتمبر 
ايام وبنعشها وبتمر بينا 
انا بحب الشهرين دول جداا
واكتر فتره بستمتع بيها طول السنه 
يمكن بحب شهراغسطس علشان عيد ميلادى 
وعلشان بيكون ف عز الاجازه 
مش عارفه المهم انى بحب الشهر ده جدا
على الرغم ان بقالى كام سنه وبيكون الشهر ده اخر عكننه بالنسبالى وبتحصل فيه حاجات مش كويسه 
بس برضو بحبه 
يمكن السنه دى حبيته اكتر علشان نتيجتى بانت فيه وجبت تقدير كويس قوووووى 
برضو مش عارفه
اما بقا شهر سبتمبر فده بقا بحبه علشان كتير قوى من احبابى اتولدو فيه 
فيه عيد ميلاد رنا اختى الكبيره والسيد اخويا وبسمه وفاطمه وهند اصحابى وناس تانيين بحبهم جدااااااااااا وبقول لكل الناس دول 
من دلوقتى كل سنه وكلهم طيبين ويارب السنه دى احلى من اللى قبلها بكتير 
ده غير كمان ان عائلتنا الكريمه اتولدت ف الشهر ده 
يعنى عيد جواز بابا وماما 
شوفتو احسن من كده مناسبات 
بس بجد عمرى ماانسى يوم ميلاد السيد ابدااااااااااااا
عمرنا ما فرحنا من قلبنا فرحه كده
اول ما دخل البيت الخير جه معاه وعشنا سوا احلى حياة
بس معلش الحاجه الحلوه مش بتدوم
وعارفين ايه بيحصل ف الشهر ده تااانى 
ايوه شطورين
بنرجع للدراسه تانى
وده ف حد ذاته حاجه حلوه قوووى
انك ترجع تخرج من البيت وتشوف اصحابك وتلغوص ف الكتب 
بس مش عند كل الناس على فكره ...:D:D
المهم
اهو شهر سبتمبر جه
يا رب يكون مليان سعاده وفرح
واشوف كل اصحابى واحبابى ف اسعد حااال
وبفكر نفسى وبقول من دلوقتى
كل سنة وكل حبايبى طيبين وعقبال مليووون سنة

هناك 4 تعليقات:

  1. لولولوىىى اسمى اتقال فى المدونة يا ردالة :P:P
    طب انتى عارفة ياروشا بالرغم من ان سبتمبر الشهر اللى اتولدت فيه"يعنى شهر العظماءP:" الا انه من اتقل الشهور على قلبى سبحانك يارب اول مايهل تهل معاه موجة من الاكتئاب من وانا صغيرة...احم احم ومن خبرتى العلم نفساوية اعتقد انه نتيجة لارتباطه بالموسم الدراسى "واللى طبعا بموت فيه " ولأنى بودع الصيف والاجازة والخ
    غير ان المدرسة مرتبطة معايا بايام نيييييلة الحمد لله ههههه من أول يوم عتبتها من "اولى ابتدائى " مع انى يا اختى كنت متفوأة وزى الفل هههههه تقولى ايه بقى
    كل سنة وانتى طيبة يا روشتى اهى كلها اياااااااام وبنعيشها وفى يوم حنقولها باى باى :)

    ردحذف
  2. سى تايه
    نورت المدونة
    وكل عام وانت بخيييييير

    ردحذف
  3. بتوته كل سنه وانتى طيبه يا غاليه
    ويااارب تكبرى كده وتبقى احلى دكتوره ف الدنيا
    بس انا بقا بحب بداية الدراسه طول عمرى علشان كنت بفرح قوى بالكشكيل الجديده اللى باب كان بينزل يشتريها مخصوص ده غير الهدوم الجديده بتاعة المدرسه ههههههههه

    ردحذف

اترك لك هنا نبضة